Америкийн Нэгдсэн Улсын Хөгжлийн Санхүүжилтийн Байгууллагаас (DFC) “Монголын Ипотекийн Корпораци ОССК” ХХК (МИК)-д 150 сая ам.долларын санхүүжилтийн эх үүсвэрийг урт хугацаатайгаар олгох шийдвэрийг гаргалаа.
Энэхүү санхүүжилт нь Монголын ипотекийн зээлийн санхүүжилтийн хүртээмжийг нэмэгдүүлэх зорилгын хүрээнд орон сууцны сууцны санхүүжилтийн тасралтгүй байдлыг хангах, эмэгтэйчүүд болон бага, дунд орлоготой өрхүүдийг орон сууцтай болоход дэмжлэг үзүүлэх ач холбогдолтой.
DFC-ийн энэ удаагийн санхүүжилт нь Монгол Улсын банк, санхүүгийн байгууллагад олгож байгаа хамгийн өндөр дүн бүхий санхүүжилт болж байгаа бөгөөд орон сууцны санхүүжилтийн зориулалттай болон анх удаа хөрөнгөөр баталгаажсан үнэт цааcжуулалтын зарчмаар олгогдох ипотекийн зээлийн эх үүсвэр гэдгээр онцлог юм.
